Á árinu 2022 voru haldnar vinnustofur með stjórnendum Veritas samstæðunnar þar sem áherslur voru lagðar í sjálfbærnimálum fyrirtækisins. Áherslum var raðað eftir mikilvægi að mati stjórnenda sem höfðu fyrri sjálfbærniskýrslur og umhverfisstefnur að leiðarljósi í vinnunni. Sjálfbærniáherslur Veritas 2022-2023 byggja þannig á þeim mikilvægu þáttum sem að mati stjórnenda geta haft mest áhrif á umhverfi, samfélag, efnahag og mannauð. Félagið er gríðarlega mikilvægur hlekkur í öllu heilbrigðiskerfi landsins og tekur því samfélagslegt hlutverk sitt alvarlega. Með þessum áherslum vonast stjórnendur til þess að auka jákvæð áhrif fyrirtækisins á samfélagið og draga úr þeim neikvæðu. Áherslurnar voru einnig mátaðar við heimsmarkmið 5, 10, 12 og 13. Í umhverfismálum er lögð áhersla á lækkað kolefnisfótspor, í efnahag á lækkaðan kostnað vegna förgunar, áherslur á gagnsæi, heiðarleika og gott siðferði í stjórnarháttum og fjölbreytileika og jöfn vaxtartækifæri svo fátt eitt sé nefnt. Við trúum því að við getum unnið fleiri sigra með sjálfbærni að leiðarljósi því saman breytum við heiminum.